ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

ՋՐԱՅԻՆ ՌԵՍՈՒՐՍՆԵՐԻ ԵՎ ՋՐԱՅԻՆ ՀԱՄԱԿԱՐԳԵՐԻ ՊԱՀՊԱՆՈՒԹՅԱՆ

ԲՆԱԳԱՎԱՌՈՒՄ ՊԵՏԱԿԱՆ ՎԵՐԱՀՍԿՈՂՈՒԹՅՈՒՆ ԻՐԱԿԱՆԱՑՆՈՂ ՄԱՐՄԻՆԸ

ԵՎ ԴՐԱ ԳՈՐԾԱՌՈՒՅԹՆԵՐԸ ՍԱՀՄԱՆԵԼՈՒ ՄԱՍԻՆ

(վերնագիրը փոփ. 16.06.22 N685-Ն)

Վարչական իրավախախտումների վերաբերյալ օրենսգրքի 239-րդ, 242-րդ հոդվածներին և Ջրային օրենսգրքի 121-րդ հոդվածի 5-րդ մասի 22-րդ կետին համապատասխան, ջրային ռեսուրսների և ջրային համակարգերի բնագավառում պետական վերահսկողության գործընթացն ավելի արդյունավետ դարձնելու նպատակով՝ Լեռնային Ղարաբաղի Հանրապետության կառավարությունը որոշում է.

(նախաբանը խմբ. 16.06.22 N685-Ն)

1. Սահմանել, որ ջրային ռեսուրսների և ջրային համակարգերի պահպանության բնագավառում պետական վերահսկողությունն իրականացնում է Արցախի Հանրապետության պետական տեսչությունների կառավարման կոմիտեն:

(1-ին կետը փոփ. 28.03.2006 N182, 31.05.2011 N328-Ն, խմբ. 03.12.2015 N806-Ն, 18.02.22 N146-Ն, 16.06.22 N685-Ն)

2. Սահմանել, որ Արցախի Հանրապետության պետական տեսչությունների կառավարման կոմիտեի գործառույթներն են՝ Վարչական իրավախախտումների վերաբերյալ օրենսգրքի 239-րդ և 242-րդ հոդվածներով նախատեսված վարչական իրավախախտումների վերաբերյալ գործերի քննումը և վարչական տույժերի նշանակումը։

(2-րդ կետը խմբ. 16.06.22 N685-Ն)