ԱՐՑԱԽԻ ՀԱՆՐԱՊԵՏՈՒԹՅՈՒՆ
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ
2020 թվականի հունվարի 16-ի
ԸՆՏՐՈՒԹՅՈՒՆՆԵՐԻՆ ՄԱՍՆԱԿՑՈՂ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ԹԵԿՆԱԾՈՒՆԵՐԻ, ԿՈՒՍԱԿՑՈՒԹՅՈՒՆՆԵՐԻ (ԿՈՒՍԱԿՑՈՒԹՅՈՒՆՆԵՐԻ
ԴԱՇԻՆՔՆԵՐԻ), ՀԱՄԱՅՆՔԻ ՂԵԿԱՎԱՐԻ ԵՎ ԱՎԱԳԱՆՈՒ ԱՆԴԱՄԻ
ԹԵԿՆԱԾՈՒՆԵՐԻ ՀԵՐԹԱԿԱՆ ՀԱՄԱՐՆԵՐԻ ՄԱՍԻՆ
N 35-Ն
Ո Ր Ո Շ ՈՒ Մ
Ընտրություններին մասնակցող Հանրապետության նախագահի թեկնածուների, կուսակցությունների (կուսակցությունների դաշինքների), համայնքի ղեկավարի և ավագանու անդամի թեկնածուների համար հավասար հնարավորություններ ապահովելու նպատակով և ղեկավարվելով Արցախի Հանրապետության ընտրական օրենսգրքի 51-րդ հոդվածի 2-րդ մասի 12-րդ կետով՝ Արցախի Հանրապետության կենտրոնական ընտրական հանձնաժողովը
որոշում է
.
1. Հանրապետության նախագահի, համայնքի ղեկավարի և ավագանու անդամի թեկնածուների անունները, ինչպես նաև կուսակցությունների (կուսակցությունների դաշինքների) անվանումներն ընտրությունների քվեաթերթիկում նշվում են հերթական համարների հաջորդականությամբ՝ վիճակահանության արդյունքներին համապատասխան:
2. Ընտրություններին մասնակցող Հանրապետության նախագահի, համայնքի ղեկավարի և ավագանու անդամի թեկնածուների, կուսակցությունների (կուսակցությունների դաշինքների) ինքնաբացարկի դեպքում՝ վիճակահանությամբ որոշված համարների փոփոխություն չի կատարվում և քվեաթերթիկում նշվում է գրանցման պահի դրությամբ որոշված հերթական համարը:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
ԱՐՑԱԽԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ
ԸՆՏՐԱԿԱՆ ՀԱՆՁՆԱԺՈՂՈՎԻ ՆԱԽԱԳԱՀ |
Ս.ԱՐԶՈՒՄԱՆՅԱՆ |
| |
|
|
2020 թվականի հունվարի 16
ք.Ստեփանակերտ |
|