Ղեկավարվելով Արցախի Հանրապետության ընտրական օրենսգրքի 41-րդ հոդվածի 3-րդ և 5-րդ մասերով, 51-րդ հոդվածի 2-րդ մասի 3-րդ կետով` Արցախի Հանրապետության կենտրոնական ընտրական հանձնաժողովը որոշում է.

1. Սահմանել.

1) ընտրությունների անցկացման մասնագիտական դասընթացներ կազմակերպելու, անցկացնելու և որակավորում շնորհելու կարգը` համաձայն N 1 հավելվածի,

2) ընտրությունների անցկացման մասնագիտական դասընթացներին մասնակցելու դիմումների ձևերը՝ համաձայն N 2 հավելվածի,

3) ընտրական հանձնաժողովում ընդգրկվելու որակավորման վկայականի ձևը՝ համաձայն N 3 հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Ընտրությունների անցկացման մասնագիտական դասընթացներ (այսուհետ` դասընթացներ) կազմակերպելու և անցկացնելու նպատակը տեղամասային ընտրական հանձնաժողովներում ընդգրկվելու իրավունք ունեցող անձանց սույն կարգի 12-րդ կետով սահմանված իրավական ակտերի ուսուցումն է և ստուգարքի միջոցով նրանց գիտելիքների ստուգումն ու որակավորում շնորհելը:

2. Դասընթացներին կարող են մասնակցել 18 տարին լրացած Արցախի Հանրապետության քաղաքացիները:

3. Դասընթացների կազմակերպումն իրականացվում է Արցախի Հանրապետության պետական բյուջեի միջոցների հաշվին:

4. Դասընթացները կազմակերպվում են Ստեփանակերտ քաղաքում և Արցախի Հանրապետության շրջաններում:

5. Արցախի Հանրապետության կենտրոնական ընտրական հանձնաժողովը (այսուհետ` Կենտրոնական ընտրական հանձնաժողով) դասընթացի կազմակերպման մասին հայտարարություն է տարածում զանգվածային լրատվության միջոցներով: Հայտարարության տեքստը տեղադրվում է նաև Կենտրոնական ընտրական հանձնաժողովի համացանցային կայքում:

6. Հայտարարությունում նշվում է.

1) դասընթացներին մասնակցելու իրավունք ունեցող քաղաքացիներին ներկայացվող պահանջները,

2) փաստաթղթերի ներկայացման վերջնաժամկետը,

3) անհրաժեշտ փաստաթղթերի ցանկը,

4) դիմում ներկայացնելու և դասընթացն անցկացնելու վայրը:

7. Դասընթացին մասնակցելու համար քաղաքացին, կուսակցությունը (կուսակցությունների դաշինքը) ներկայացնում է սույն որոշման N 2 հավելվածով սահմանված դիմում:

8. Կուսակցությունը (կուսակցությունների դաշինքը) դիմումին կից ներկայացնում է դասընթացներին մասնակցել ցանկացող քաղաքացիների ցուցակը: Ցուցակը ներկայացվում է նաև էլեկտրոնային կրիչով` Microsoft Excel տարբերակով:

Կուսակցությունը (կուսակցությունների դաշինքը) դասընթացների անցկացման համար կարող է առաջարկել դասընթացի անցկացման ժամկետ և վայր, եթե դիմումին կից ցուցակում ընդգրկված, դասընթացներին մասնակցել ցանկացող քաղաքացիների թիվը ավելի է 20-ից:

9. Դասընթացին մասնակցել ցանկացող քաղաքացիների, կուսակցությունների (կուսակցությունների դաշինքների) հաշվառումը վարում է համապատասխան տարածքային ընտրական հանձնաժողովը:

10. Փաստաթղթերի ներկայացման վերջնաժամկետի ավարտից հետո, եռօրյա ժամկետում տարածքային ընտրական հանձնաժողովը Կենտրոնական ընտրական հանձնաժողով է ներկայացնում տեղեկություններ` դասընթացին մասնակցելու հայտ ներկայացրած քաղաքացիների (այդ թվում՝ կուսակցությունների (կուսակցությունների դաշինքների) ներկայացրած) թվի մասին:

11. Դասընթացն անցկացվում է Կենտրոնական ընտրական հանձնաժողովի նախագահի կողմից հաստատված ժամանակացույցով (հաշվի առնելով նաև սույն կարգի 8-րդ կետի պահանջը), որը տեղադրվում է Կենտրոնական ընտրական հանձնաժողովի համացանցային կայքում` դասընթացի անցկացման օրվանից առնվազն երեք օր առաջ:

12. Դասընթացների ծրագիրը և ստուգարքի հարցաշարը կարող է վերաբերել հետևյալ իրավական ակտերի դրույթներին.

1) Արցախի Հանրապետության Սահմանադրություն

2) Արցախի Հանրապետության ընտրական օրենսգիրք

3) «Հանրաքվեի մասին» օրենք

4) Կենտրոնական ընտրական հանձնաժողովի որոշումներ:

13. Մեկ դասընթացի տևողությունը` ներառյալ դասախոսությունները, գործնական պարապմունքներն ու ստուգարքը, 8-16 ակադեմիական ժամ է (1 ակադեմիական ժամի տևողությունը՝ 45 րոպե):

14. Դասընթացներ անցկացնող դասախոսական կազմում կարող են ընդգրկվել բարձրագույն կրթություն ունեցող, դասավանդման փորձ և (կամ) ընտրական համակարգում աշխատանքային փորձ ունեցող համապատասխան մասնագետներ, ինչպես նաև Կենտրոնական ընտրական հանձնաժողովի, տարածքային ընտրական հանձնաժողովների անդամներ, Կենտրոնական ընտրական հանձնաժողովի աշխատակիցներ:

15. Որակավորում շնորհվում է ստուգարքի արդյունքում, որն անցկացվում է դասընթացի ավարտից հետո, հայերեն լեզվով, դռնբաց:

Ստուգարքին մասնակցել թույլատրվում է անձնագրի կամ անձը հաստատող այլ փաստաթղթի առկայության դեպքում:

16. Ստուգարքն անցկացվում է բանավոր` հարցատոմսի միջոցով, դասընթացն անցկացնող դասախոսի (դասախոսների) կողմից:

Հարցատոմսերը կազմվում են դասընթացի ծրագրի սահմաններում, յուրաքանչյուր հարցատոմսում երեք հարց: Հարցատոմսերի կազմման համար հիմք հանդիսացող հարցաշարը տեղադրվում է Կենտրոնական ընտրական հանձնաժողովի համացանցային կայքում` սույն կարգի 5-րդ կետում նշված հայտարարության հետ միասին:

17. Ընտրական հանձնաժողովում ընդգրկվելու որակավորում շնորհվում և ընտրական հանձնաժողովում ընդգրկվելու որակավորման վկայական (հավելված N3) (այսուհետ`վկայական) տրվում է այն քաղաքացուն, ով ստուգարքի արդյունքում ստացել է դրական (ստուգված) գնահատական: Որակավորման վկայականը քաղաքացուն է հանձնվում տարածքային ընտրական հանձնաժողովի միջոցով`ստուգարքից հետո ողջամիտ ժամկետում:

18. Ստուգարքի արդյունքը յոթնօրյա ժամկետում կարող է բողոքարկվել Կենտրոնական ընտրական հանձնաժողով:

19. Վկայականների միասնական հաշվառումը վարում է Կենտրոնական ընտրական հանձնաժողովի աշխատակազմը:

20. Վկայականը տրվում է երեք տարի ժամկետով:

21. Վկայականի կորստի կամ օգտագործման համար ոչ պիտանի դառնալու դեպքում քաղաքացին տարածքային ընտրական հանձնաժողով է ներկայացում դիմում`վկայականի կրկնօրինակ ստանալու համար: Դիմումին կից ներկայացվում է անձնագրի կամ անձը հաստատող այլ փաստաթղթի պատճենը և օգտագործման համար ոչ պիտանի դարձած վկայականը:

22. Համապատասխան տարածքային ընտրական հանձնաժողովի կողմից մեկ օրվա ընթացքում Կենտրոնական ընտրական հանձնաժողով ներկայացված հայտի հիման վրա, կորած կամ օգտագործման համար ոչ պիտանի դարձած վկայականի փոխարեն, քաղաքացու դիմելուց հետո եռօրյա ժամկետում, տրվում է նոր վկայական` վերին աջ անկյունում «Կրկնօրինակ» նշումով: Վկայականի կրկնօրինակը քաղաքացուն է հանձնվում տարածքային ընտրական հանձնաժողովի միջոցով:

23. Որակավորում ստացած քաղաքացիների ցուցակները տեղադրվում են Կենտրոնական ընտրական հանձնաժողովի համացանցային կայքում:

24. Կենտրոնական ընտրական հանձնաժողովը յուրաքանչյուր ընտրության համար, տեղամասային ընտրական հանձնաժողովի նախագահի և քարտուղարի համար կարող է սահմանել գիտելիքների և հմտությունների ստուգելու լրացուցիչ ստուգարք, որը հանձնաժողովի նախագահը և քարտուղարը պետք է հանձնեն ոչ ուշ, քան ընտրության օրվանից 3 օր առաջ:

__________________________________________________________________________________________

ազգանուն, անուն, հայրանուն, ծննդյան օր, ամիս, տարեթիվ

__________________________________________________________________________________________

անձնագրի սերիա, համար, ում կողմից է տրված

__________________________________________________________________________________________

բնակության վայր, հեռախոսահամար, կապի հնարավոր այլ միջոց

__________________________________________________________________________________________

կրթությունը

__________________________________________________________________________________________

աշխատանքի վայրը, պաշտոնը

__________________________________________________________________________________________

կուսակցական պատկանելությունը

տեղամասային ընտրական հանձնաժողովի անդամների համար կազմակերպված մասնագիտական դասընթացին:

_____ _________________20___ թ.

Կից ներկայացվում է ընտրությունների անցկացման մասնագիտական դասընթացին (ստուգարքին) մասնակցել ցանկացող քաղաքացիների ցուցակը՝ համաձայն հետևյալ աղյուսակի:

__________________________________________________________________________________________

ազգանուն, անուն, հայրանուն

Անցել է ընտրությունների անցկացման մասնագիտական դասընթացներ և ստացել ընտրական հանձնաժողովում ընդգրկվելու իրավունք:

Տրված է ___ ___________20___թ.

Ուժի մեջ է մինչև ___ _________20___ թ.

Կ.Տ.