ԹԵԿՆԱԾՈՒՆԵՐԻՆ, ԼԻԱԶՈՐ ՆԵՐԿԱՅԱՑՈՒՑԻՉՆԵՐԻՆ, ՎՍՏԱՀՎԱԾ ԱՆՁԱՆՑ,

ՏԱՐԱԾՔԱՅԻՆ ԵՎ ՏԵՂԱՄԱՍԱՅԻՆ ԸՆՏՐԱԿԱՆ ՀԱՆՁՆԱԺՈՂՈՎՆԵՐԻ

ԱՆԴԱՄՆԵՐԻՆ, ՀԱՆՐԱՊԵՏՈՒԹՅԱՆ ՆԱԽԱԳԱՀԻՆ, ԱԶԳԱՅԻՆ ԺՈՂՈՎԻ

ՊԱՏԳԱՄԱՎՈՐԻՆ, ՀԱՄԱՅՆՔԻ ՂԵԿԱՎԱՐԻՆ ԵՎ ՀԱՄԱՅՆՔԻ ԱՎԱԳԱՆՈՒՆ

ՏՐՎՈՂ ՎԿԱՅԱԿԱՆՆԵՐԻ ՁԵՎԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով Արցախի Հանրապետության ընտրական օրենսգրքի 33-րդ հոդվածի 2-րդ մասով, 35-րդ հոդվածի 3-րդ մասով, 51-րդ հոդվածի 2-րդ մասի 5-րդ, 11-րդ և 16-րդ կետերով, 52-րդ հոդվածի 1-ին մասի 8-րդ կետով` Արցախի Հանրապետության կենտրոնական ընտրական հանձնաժողովը որոշում է.

1. Սահմանել.

1) Հանրապետության նախագահի, Ազգային ժողովի ընտրություններին մասնակցող կուսակցությունների (կուսակցությունների դաշինքների) ընտրական ցուցակներում ընդգրկված պատգամավորի թեկնածուների վկայականների ձևերը՝ համաձայն N 1 հավելվածի,

2) համայնքի ղեկավարի և ավագանու անդամի թեկնածուների վկայականների ձևերը՝ համաձայն N 2 հավելվածի,

3) Հանրապետության նախագահի թեկնածուի, Ազգային ժողովի ընտրություններին մասնակցող կուսակցության (կուսակցությունների դաշինքի), համայնքի ղեկավարի և ավագանու անդամի թեկնածուների լիազոր ներկայացուցիչների վկայականների ձևերը՝ համաձայն N 3 հավելվածի,

4) Հանրապետության նախագահի թեկնածուի, Ազգային ժողովի ընտրություններին մասնակցող կուսակցության (կուսակցությունների դաշինքի), համայնքի ղեկավարի և ավագանու անդամի թեկնածուների վստահված անձանց վկայականների ձևերը՝ համաձայն N 4 հավելվածի,

5) տարածքային ընտրական հանձնաժողովի նախագահի, նախագահի տեղակալի, հանձնաժողովի քարտուղարի և հանձնաժողովի անդամի վկայականների ձևերը՝ համաձայն N 5 հավելվածի,

6) տեղամասային ընտրական հանձնաժողովի նախագահի, նախագահի տեղակալի, հանձնաժողովի քարտուղարի և հանձնաժողովի անդամի վկայականների ձևերը՝ համաձայն N 6 հավելվածի,

7) Հանրապետության նախագահի, Ազգային ժողովի պատգամավորի, համայնքի ղեկավարի և համայնքի ավագանու անդամի վկայականների ձևերը՝ համաձայն N 7 հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: