ք. Ստեփանակերտ

Հիմք ընդունելով դատական օրենսգրքի 86-րդ հոդվածի 3-րդ մասի 7-րդ կետը, 100-րդ հոդվածի 2-րդ մասը և «Նորմատիվ իրավական ակտերի մասին» օրենքի 41-րդ հոդվածը՝ Արցախի Հանրապետության կառավարությունը որոշում է.

1. Սահմանել՝

1) դատավորի պաշտոնում նշանակմանը խոչընդոտող ֆիզիկական արատների և հիվանդությունների ցանկը` համաձայն N 1 հավելվածի.

2) դատավորի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին տրամադրվող տեղեկանքի ձևը՝ համաձայն N 2 հավելվածի.

3) դատավորի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին տեղեկանք տրամադրելու կարգը` համաձայն N 3 հավելվածի:

2. Ուժը կորցրած ճանաչել Լեռնային Ղարաբաղի Հանրապետության կառավարության 2009 թվականի օգոստոսի 18-ի «Դատավորի պաշտոնում նշանակմանը խոչընդոտող ֆիզիկական արատների և հիվանդությունների ցանկը սահմանելու մասին» N 514-Ն որոշումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

1. Կուրություն

2. Խլություն

3. Համրություն

1. Հոգեկան և վարքային խանգարումներ (F00-F16, F18, F19-F39, F60-F61, F44.1, F44.2, F44.3, F44.6, F44.8, F63, F70-F89)

2. Կենտրոնական նյարդային համակարգի քրոնիկ պրոգրեսիվող հիվանդություններ` արյան շրջանառության սուր և քրոնիկ խանգարումներով, տետրապլեգիայով, արտահայտված թուլամտությամբ, կոնքի օրգանների ֆունկցիայի խանգարումներով (G30, I60-I69)

3. Կողմնային ամիոտրոֆիկ սկլերոզ` շարժողական ֆունկցիայի խանգարումով (G35)

4. Էպիլեպսիա՝ հաճախակի նոպաների և անձի արտահայտված փոփոխությունների առկայությամբ (G40)

5. Միասթենիա(G70.0)

6. Միոպաթիա (G71.2-G72)

7. Նյարդային համակարգի բնածին (զարգացման) արատներ (Q00-Q07)

8. Զարկերակային գերճնշում` բարդացված նյարդային կենտրոնական համակարգի, սրտամկանի, ակնահատակի, երիկամների ախտահարումով, խիստ արտահայտված ֆունկցիաների խանգարումով, դեկոմպենսացված փուլում (I10)

9. Սրտային անբավարարություն` դիստրոֆիկ փուլում, բարդացված ասցիտով, անասարկայով (I50)

10. Շաքարային դիաբետ` դեկոմպենսացված փուլում, երիկամների ախտահարումով՝ ծանր ձևի դիաբետիկ նեֆրոպաթիա երիկամային անբավարարություն (E10-E14† N08.3)

11. Չարորակ նորագոյացություններ 4-րդ փուլում՝ մետաստատիկ քայքայումով (C00)

12. Արյան չարորակ հիվանդություններ` 4-րդ փուլում, բուժման ոչ ենթակա ձևերով (C97)

13. Շնչառական օրգանների տուբերկուլյոզ` հաստատված մանրէաբանորեն կամ հյուսվածքաբանորեն (A15)

14. Երիկամների քրոնիկական հիվանդություններ կամ այլ հիվանդությունների հետևանքով արտահայտված երիկամային ախտահարումներ` բարդացված քրոնիկ երիկամային անբավարարությամբ, տերմինալ փուլում (N18)

15. Ականջի հիվանդություններ՝արտահայտվածությամբ (H90)

16. Տեսողական խանգարումներ` անարտահայտչականությամբ (H54.0)

17.Վեստիբուլյար (նախադռնային) ֆունկցիայի խանգարում (H81)

18. Խոսքի զարգացման յուրահատուկ խանգարումներ (F80)

1. Տրվում է քաղաքացի __________________________________________________________

                                               (անունը, ազգանունը, հայրանունը, ծննդյան ամիսը, ամսաթիվը, տարեթիվը)

2. Հաշվառման վայրը ___________________________________________________________

3. Բնակության վայրը ___________________________________________________________

4. Կատարված հետազոտությունները (թվարկել) և դրանց արդյունքները _____________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

____________________________________________________________________________

5. Տվյալ պաշտոնում նշանակվելու պիտանիության վերաբերյալ բժշկական եզրակացությունը

____________________________________________________________________________

____________________________________________________________________________

1. Դատավորի թեկնածուների ցուցակում ընդգրկվող անձի (այսուհետ` Թեկնածու) դատավորի պաշտոնում նշանակմանը խոչընդոտող ֆիզիկական արատների և հիվանդությունների բացակայության մասին տեղեկանքի (այսուհետ` Տեղեկանք) տրամադրումն իրականացվում է Ստեփանակերտ քաղաքի արտահիվանդանոցային բժշկական օգնություն և սպասարկում իրականացնող կազմակերպության (այսուհետ` Կազմակերպություն) կողմից:

2. Թեկնածուն Կազմակերպությունում ստուգում անցնելու համար ներկայացնում է անձը հաստատող փաստաթուղթ և «Հոգեթմրաբանական դիսպանսեր» փակ բաժնետիրական ընկերության (այսուհետ` Դիսպանսեր) կողմից տրված բժշկական փաստաթուղթը: Կազմակերպությունում և Դիսպանսերում գործադիր տնօրենների հրամաններով ստեղծվում են մշտապես գործող բժշկական հանձնաժողովներ:

3. Կազմակերպությունում մշտապես գործող բժշկական հանձնաժողովի (այսուհետ` Բժշկական հանձնաժողով) կազմում ընդգրկվում են թերապևտը, նյարդաբանը, սրտաբանը, քիթ-կոկորդ-ականջաբանը, ակնաբանը, ուռուցքաբանը, ներզատաբանը: Առանձին դեպքերում, ելնելով կոնկրետ հիվանդությունից կամ վիճակից, Բժշկական հանձնաժողովը, Կազմակերպության գործադիր տնօրենի հրամանով, կարող է համալրվել նաև տվյալ բժշկական կազմակերպության այլ բժիշկ-մասնագետներով:

4. Դիսպանսերի գործադիր տնօրենը բժշկական փաստաթուղթը Թեքնածուին է տրամադրում դիմելու օրվանից 2 աշխատանքային օրվա ընթացքում: Այն դեպքում, երբ արտահիվանդանոցային պայմաններում հնարավոր չէ գալ եզրահանգման հոգեկան հիվանդությունների առկայության կամ բացակայության վերաբերյալ, իրականացվում է հետազոտում «ցերեկային ստացիոնար» կամ «ստացիոնար» պայմաններում: Հետազոտության արդյունքների հիման վրա Դիսպանսերի գործադիր տնօրենը բժշկական փաստաթուղթը Թեկնածուին է տրամադրում դիմելու օրվանից 10 աշխատանքային օրվա ընթացքում:

5. Դիսպանսերի գործադիր տնօրենը բժշկական փաստաթուղթը Թեկնածուին է տրամադրում ոչ հանձնաժողովային կարգով, համապատասխան հետազոտությունների արդյունքների հիման վրա` դիմելու օրվանից 5 աշխատանքային օրվա ընթացքում:

6. Կազմակերպության գործադիր տնօրենը սույն կարգի 2-րդ կետում նշված փաստաթղթերը ներկայացնելուց հետո 5 աշխատանքային օրվա ընթացքում Թեկնածուին է տրամադրում Տեղեկանքը` հիմք ընդունելով Բժշկական հանձնաժողովի կողմից տրված եզրակացությունը:

7. Բժշկական ստուգման արդյունքում Բժշկական հանձնաժողովի կողմից տրված եզրակացության վերաբերյալ տվյալները գրանցվում են ամբուլատոր բժշկական քարտում և վավերացվում Բժշկական հանձնաժողովի անդամների ստորագրություններով:

8. Տեղեկանքը վավեր է տալու պահից մեկ ամիս ժամկետով:

9. Տեղեկանքը կորցնելու կամ օգտագործման համար ոչ պիտանի դառնալու դեպքում Թեկնածուն դիմում է Կազմակերպություն` Տեղեկանքի կրկնօրինակը ստանալու համար:

10. Տեղեկանքի կրկնօրինակը Թեկնածուին տրամադրվում է սկզբնական փաստաթղթում ամրագրված ժամկետով, դիմելուց հետո 3 աշխատանքային օրվա ընթացքում, Տեղեկանքի կրկնօրինակի վերևի աջ անկյունում նշելով «Կրկնօրինակ» բառը, որի վրա դրվում է բժշկական հաստատության կնիքը: