ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2004 թվականի
դեկտեմբերի 22-ին
ՆՎԱԶԱԳՈՒՅՆ ԱՄՍԱԿԱՆ ԱՇԽԱՏԱՎԱՐՁԻ ՄԱՍԻՆ
Հոդված 1. Արցախի Հանրապետությունում նվազագույն ամսական աշխատավարձը սահմանել 68000 ՀՀ դրամ:
(1-ին հոդվածը փոփ. 27.12.2006 ՀՕ-325, փոփ. 19.12.2007 ՀՕ-100, փոփ. 24.12.2008 ՀՕ-78-Ն, փոփ. 25.11.2010 ՀՕ-52-Ն, փոփ. 26.12.2012 ՀՕ-46-Ն, փոփ. 27.06.2013 ՀՕ-31-Ն, փոփ. 26.12.2013 ՀՕ-102-Ն, փոփ. 25.12.2014 ՀՕ-67-Ն, փոփ. 26.09.2018 ՀՕ-45-Ն, փոփ. 19.12. 2019 ՀՕ-121-Ն)
Հոդված 2. Գործավարձով և ժամավճարով վարձատրվող աշխատակիցների համար ժամային տարիֆային դրույքի նվազագույն չափը սահմանել՝
1) աշխատաժամանակի նորմալ տևողության դեպքում (40-ժամյա աշխատանքային շաբաթ)՝ 405 ՀՀ դրամ.
2) աշխատաժամանակի կրճատ տևողության դեպքում (36-ժամյա աշխատանքային շաբաթ)՝ 454 ՀՀ դրամ.
3) աշխատաժամանակի կրճատ տևողության դեպքում (24-ժամյա աշխատանքային շաբաթ)՝ 680 ՀՀ դրամ:
(2-րդ հոդվածը փոփ. 27.12.2006 ՀՕ-325, փոփ. 19.12.2007 ՀՕ-100, լրաց., փոփ. 24.12.2008 ՀՕ-78-Ն, փոփ. 25.11.2010 ՀՕ-52-Ն, փոփ. 26.12.2012 ՀՕ-46-Ն, փոփ. 27.06.2013 ՀՕ-31-Ն, փոփ. 26.12.2013 ՀՕ-102-Ն, փոփ. 25.12.2014 ՀՕ-67-Ն, խմբ. 19.12.2019 ՀՕ-121-Ն)
Հոդված 2.1. Առողջապահության, հոգաբարձության (խնամակալության), մանկական-դաստիարակչական, էներգամատակարարման, գազամատակարարման, ջերմամատակարարման, կապի և աշխատանքի այլ առանձնահատուկ բնույթ ունեցող բնագավառների աշխատողների նվազագույն ժամային տարիֆային դրույքը որոշվում է սույն օրենքի առաջին հոդվածով սահմանված նվազագույն ամսական աշխատավարձը բաժանելով Արցախի Հանրապետության օրենսդրությամբ այդ աշխատողների ամսվա համար սահմանված աշխատաժամանակի նորմալ տևողությանը:
(2.1-րդ հոդվածը լրաց. 25.11.2010 ՀՕ-52-Ն, փոփ. 26.09.2018 ՀՕ-45-Ն)
Հոդված 3. Արցախի Հանրապետության օրենսգրքերի, օրենքների, Արցախի Հանրապետության Նախագահի հրամանագրերի, Արցախի Հանրապետության կառավարության որոշումների, նախարարությունների և գերատեսչությունների, տեղական ինքնակառավարման մարմինների, առանձին իրավաբանական անձանց ակտերի իմաստով որպես հաշվարկային հիմք չի կարող ընդունվել սույն օրենքով սահմանված նվազագույն ամսական աշխատավարձը:
Նշված ակտերում որպես հաշվարկային հիմք պահպանվում է գործող 1000 դրամը:
(3-րդ հոդվածը փոփ. 26.09.2018 ՀՕ-45-Ն)
Հոդված 4. Նվազագույն ամսական աշխատավարձի, գործավարձով և ժամավճարով վարձատրվող աշխատակիցների համար սահմանված ժամային տարիֆային դրույքի նվազագույն չափերի մեջ չեն ներառվում աշխատավարձից վճարվող հարկերը, սոցիալական վճարները, հավելումները, հավելավճարները, պարգևատրումները և խրախուսման այլ վճարները:
(4-րդ հոդվածը խմբ. 26.12.2012 ՀՕ-46-Ն, փոփ. 26.12.2013 ՀՕ-95-Ն, փոփ. 25.12.2014 ՀՕ-67-Ն, լրաց. 27.06.2019 ՀՕ-74-Ն)
Հոդված 5. Սույն օրենքն ուժի մեջ մտնելու պահից ուժը կորցրած ճանաչել «Նվազագույն աշխատավարձի մասին» Լեռնային Ղարաբաղի Հանրապետության 1999 թվականի մարտի 15-ի ՀՕ-48 օրենքը:
Հոդված 6. Սույն օրենքն ուժի մեջ է մտնում 2005 թվականի հունվարի 1-ից:
|
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ՝ |
Ա. ՂՈՒԿԱՍՅԱՆ |
|
30 դեկտեմբերի 2004թ.
ք. Ստեփանակերտ
ՀՕ-167 |
|